UJacob Zuma
SABELO NSELE
I-ANC ichithe isicelo sowayengumengameli, uJacob Zuma, sokuthi angaxoshwa kule nhlangano.
Ikomiti elibheka amacala adlulisiwe kwi-ANC lichithe isicelo sikaZuma lapho ebephonsela inselelo isinqumo sokumxosha kuleli qembu esathathwa ikomiti eliqondisa ubugwegwe.
Ukuchithwa kwesicelo sikaZuma kuqinisekiswe okhulumela i-ANC, uNkk Mahlengi Bhengu-Motsiri.
UZuma waxoshelwa ukukhankasela iMK, eyayincintisana ne-ANC okhethweni.
IMK yayithwalisa kanzima i-ANC okhethweni lwangoMeyi.
Okokuqala emlandweni i-ANC yehluleka ukuwina ukhetho ngamalengiso njengoba isiphethe ngokubambisana namanye amaqembu.
UNkk Bhengu-Motsiri ukuchitha isicelo sikaZuma kufakazela lokhu abahlezi bekusho kokuthi i-ANC isembhidlangweni wokuzakha kabusha.