Isendleleni iMINI Countryman SE ALL4 ehamba ngogesi

IMOTO: MINI COUNTRYMAN SE ALL4

Yethulwe nezinguquko ezinqala iMINI Countryman SE ALL4 okukhona kuzo ukuthi isihamba ngogesi kuphela.

Le MINI izokwethulwa eNingizimu Afrika maphakathi nonyaka ozayo.

Isinkulu kunendala njengoba ingu-4 433mm ubude, ububanzi bungu-1 843mm kuthi ukuphakama kube ngu-1 656mm. Lokhu bathi kwenza isikhala ngaphakathi sibe sikhulu njengoba esempahla siba ngu-1 450 litres uma ulalise izihlalo ngemuva.

Inezinjini zikagesi (electric motors) ezimbili ezinamandla ahlangene angu-230kW netorque engu-494Nm. Zisebenza ngebhethri elingu-66.45 kWh abathi uma ligcwele ungahamba amakhilomitha angu-433.

Amandla, angena kuwo wonke amasondo njengoba iyi-ALL4, ayenza isuke ku-0 iye ku-100km/h ngemizuzwana engu-5.6 kanti ijubane elikhulu ngu-180km/h.

Kwishaja esheshayo engu-130kW bathi kuthatha imizuzwana engu-30 ukuze ibhethri libe ngu-80% lisuka ku-10%.

IMINI Countryman SE ALL4 inenqwaba yobuchwepheshe obusiza umshayeli. Phakathi kwabo kubalwa obokuthi ivumele umshayeli asuse izandla esiteringini emigwaqeni evulekile uma ijubane lingaphansi kuka-60km/h.

Le moto ihluke kakhulu kunendala ngendlela ebukeka ngayo njengoba inegrille entsha namaheadlights ashintshile.

Inamarimu afika ku-20 inch futhi nemibala emzimbeni isiyengeziwe.

Ngaphakathi isikhala sikhulu futhi kunepanoramic sunroof engenisa ukukhanya.

Iscreen se-infotainment eyindilinga singu-240mm ukuvuleka.

Intengo izoqinisekiswa uma isizofika.