Amasu okulwa nezinselelo empilweni
Igama lencwadi: What happened to you?
Ababhali: Oprah Winfrey no Bruce D Perry
Abashicileli: Melcher Media
KUSEMQOKA ukuthi uzifune uma ungumuntu futhi udlinze ngemicabango yakho ngendlela okhuliswe ngayo. Encwadini What happened to you?, ababhali okungu-Oprah Winfrey no Bruce D Perry, bagonyuluka ngezigigaba ezenzeke empilweni yabo ezinye zagcina zinomthelela ongemuhle ngesikhathi sebebadala.
Akuvamisile ukuthi izigigaba ezenzeka usemncane zibe zimbi zonke kepha ababhali beluleka ngokuthi kuhle ubuyele emuva uhlolisise okwenzeka kunokuthi uzibone ungento yalutho.
Bathi cishe ukuzifuna kwakho mzalwane, kungakusiza ekutheni ulungise amaphutha akudala noma ufunde kuwona. Incwadi ikufundisa ngamasu okubhekana nokuhlukumezeka empilweni, okungaba ngokomoya noma ngokwengqondo.
