Ufaniswa nabaphesheya uMinnie kokaRasta
SEKWABA yinakavukela ukuduma kwemidwebo yeciko lemisebenzi yezandla uRasta odume ngokudweba osaziwayo. Muva nje uMinnie Dlamini unameke umdwebo wakhe awunikwe uRasta nakuthatha njengento esho lukhulu kuye.
" Yazi usuphumelele uma udwetshwa uRasta futhi usaphila. Ngithole izimbali ngidla anhlamvana," kusho uMinnie Dlamini.
Yize ewujabulele umdwebo kodwa abantu abawuvali umlomo ngabakubona kuwo.
Iningi labantu libona abantu abehlukene kulo mdwebo nokuyinto engajwayelekile ukwenzeka ngemidwebo kaRasta. Abantu bavamise ukuvumelana ngosaziwayo oyedwa kodwa kulokhu kuvele ngisho abaphesheya kwezilwandle abafaniswa nalo mdwebo kaMinnie.
" UMinnie Minaj," kusho uDr Malinga.
" UNkosana Zuma lona okulo mdwebo," kusho uDJ LookSA.
" Ugogo Maweni okhanya ngebala," kusho uSphesihle Immortal SA.
" Nikezani umama uYvonne Chaka Chaka umdwebo wakhe," kusho uBriighty.
" Bengicabanga ukuthi uLeleti Khumalo," kusho uXolani Idlamanzi Jamela.