AMATHIKITHI okuthamela inkonzo yesikhumbuzo sikaDkt Mbongeni Ngema ePlayhouse Opera Theatre, eThekwini kusasa, aseyatholakala kulesi sikhungo
AMATHIKITHI okuthamela inkonzo yesikhumbuzo sikaDkt Mbongeni Ngema ePlayhouse Opera Theatre, eThekwini kusasa, aseyatholakala kulesi sikhungo.
Ongumxhumanisi wemithombo yezindaba nomndeni kaNgema, uMapule Ngobese, uthe atholakala mahhala ePlayhouse kuze kushaye u-5 ntambama. Unxuse abantu baphuthume ngoba iPlayhouse Opera Theatre imumatha abantu abangevile ku-1200.
Uthe kuzobe kukhishwa amathikithi okungena ngenhloso yokugwema isiminyaminya sezithameli njengoba kuzobe kugcwele ngisho nosaziwayo basemazweni angaphandle.
UNgema (68) ushone emuva kwengozi yemoto emehlele eLusikisiki, e-Eastern Cape, ephuma emngcwabeni yowayeyilungu leSarafina. Umufi wazakhela udumo emhlabeni jikelele ngomdlalo weshashalazi iSarafina neminye eminingi.
Related Topics: